المرحوم طاهر السلامي (أبو شاكر)
شاعر من شعرا الشعبی فی الاهواز ولد فی المحمرة
مدینه العلم والادب والثقافة التحق بجمعیه الشعرا التی کانت
تضم کوکبه من الشعرا فی المحمرة وکانوا ینتمون
الی البیت العدنانی فکانو یتجمعون فی المناسبات الدینیة
خاصه فی الموالید و وفیات لاهل البیت علیهم السلام
توفی علی اثر حادث سیارة هو وبعض زملائه الشعرا
فی الطریق الاهواز الی المحمرة والتحق برحمه الله
وخلف تراثا ادبیا یجعله حیا فی قلوب محبه ومریدیه لا ینسی ابدا
قصیدة « ماضي اهلنه »
أحس ماضی أهلنه ابحاضر الحیّین
مستقبل اجیال اتعیش بظلاله
العاصف ماخذاها ولا کنسها الریح
جبل شامخ تلوذ الخلگ بفعاله
هلی گمرة لیالی السود
جدح حافر شگرهم بیها یتلاله
هلی یا حید منهم لو یطب الکون
یضل یتلمّض أعله الموت عساله
هلی سنبل خضر ما یبساه الصیف
ولا طاح ابرحه وطحنته الگاله
هلی رمز الچفافی وبشت بدری اشیوخ
او فوگ من الچفافی العگل میاله
هلی سادت زلمها وساست المخلوگ
اولواها احسین یوم المعرکه شاله
هلی یشهد لهم تاریخ
بی تفخر هله وتتنومس ارجاله
هلی یاهو المثلهم لو عطت یمناه
تظل تسبگ عطاها ابجودها اشماله
هلی بالکرم حاتم ما لواه العوز
یشرک ضیف بیته ابلگمة اعیاله
هلی ضلعین بیها الکرخه وکارون
رزق طر الارض بجنوبه وشماله
هلی بیهم الکسَر جدم یسره الضیم
یتچه أعله رمحه وما شکه الحاله
هلی تمثال أباها اعله المجرة انشال
الخلگ تسجد اله من اتشوف تمثاله
هلی راس الجبل چل جدم من یعلاه
وکل خیر الارض من زود شلاله
هلی لو صار عزها أعله الشمس یاناس
بخیوط الشمس کلها اتشلباله
هلی سورة علمهم بلعت الجهُال
وصار العلم فوگ اخدودهم خاله
هلی فنهم نبع صافی وشعرهم شیّم الشیمه
لوّن شد ابوزّن رباط مواله
هلی ابغیرة شرفهم صانو الناموس
وگصّوا راس من راد ایتدنّاله
هلی غزّر ملح جیرانهم بالعین
ولا بیهم ابیوم الجارته من إلحسّن تحلاله
هلی اربات النخیل ولذٌّت الگنطار
هلی المگوار الها وشچت الفاله
وهلی کلشی هلی چانت
علی احلوگ التفگ تمشی
او هلی منها الیطیّحه الموت
بس ما طیّح اعگاله
او هلی منها الیطیحه الموت
بس ما طیّح اعگاله
هات
ماطره الساني ابغــيرك ماتله
اوگلبي موكلمن يشوفه ماتله
مات الك بس انته گلبك ماتله
يم حنان اوحب حبايب هاويات
شایل اگلیبی اعله جفنی و نتبه
و لجل لایزعـــــــجک ضلت و نتبه
دیر بالک من اهــــــمومی و نتبه
لا یحرگنـــــــــــــک تراهن حارات
گلبی یا صاح بغــــیابک ونه بی
و الزمن تنور صـــــــــایر ونه بی
اهوای اودک قسم بلحر ونه بی
وقسم بچفوف الهون یم الفرات
ابوذیات
هبط هام الهمام و هام بالــــــــــهام
ونکس بیرغ معزته و عاش بالـهام
انطبر بطبار طرد الوکت بالـــــهام
ترضرض جسمه کل صبفه ابنویه
بچیت و عم عله روحی شربچای
وبعت بچیی لچن محـــد شربچای
الاسولفله گعد یمــــی شربچـــای
ونســه کـــل الحجیته امنالقضیه
الشاعر المرحوم طاهر السلامی
